اهداء خاص لمنتدى أحلى حلم .....

يا هاجسي حضر جزيل القصايد
ما دام لك في بدعها مقدريه
راعيك تزهاه البيوت الفرايد
كايد وله فعلن ينومس سميه
فعله على بعض الرياجيل كايد
إيشوّش اللي وسط راسه حميه
شبره على شبر المطاليق زايد
فالحرب وإلا فالعلوم الشليه
تشهد له انجوم السما فالشدايد
لا ثوّر البارود في كل هيه
مخلوق لجل ايعيش للقوم قايد
ماهو لجل يتبع مسير السريه
شوق الهنوف اللي زهتها القلايد
وعوق الخصوم ابحزة المهمهيه
يقص روس اعداه قص الجرايد
وايوّرد الحرّاب حوض المنيه
إي والله إلا كايدن ما يحايد
لا والله إلا مصطبح عنصريه
ما هو من اللي يكبرون الوسايد
لا والله إلا متعبين المطيه
عجمـــــان عجمان السعد فالشدايد
ربعي مقطعت الرقاب العصيه
مضرب مثل فالطيب.. سقم الضدايد
ضيّــانهم في كل الأوقات حيه
الله يجنبهم دروب النكايد
وايعزهم من عز سيد البريه
والعز ذبة ريع .. والعمر بايد
ذبه .. قبل لا تنتزعك المنيه

صح ابدنك طال عمرك
وبيني وبينك انا ما الومك لا طربت على هذي القصيده

الابداع يفرض عليك الشي هذا طال عمرك